Саламаттык сактоо министрлигинин маалымат кызматына ылайык, бейтап 1981-жылы туулган эркек киши болуп, 2018-жылдан бери созулмалы гемодиализ менен дарыланууда. Анын тууган иниси донор катары катышты. Учурда экөөнүн абалы туруктуу, медициналык адистердин көзөмөлүндө.
УЭБКБда бөйрөк трансплантациясы операциялары 2018-жылдан бери жүргүзүлүп келет. Бул убакыт аралыгында мамлекеттик бюджеттин эсебинен 38 операция өткөрүлүп, жалпы 81 трансплантация жасалды. Борбордо HLA-истемасы боюнча гистосооттуулукты аныктоо жана кросс-тестти камтыган иммунологиялык тестирлөө методикасы киргизилген, бул операциялардын коопсуздугун кыйла жогорулатат жана дарылоонун узак мөөнөттүү натыйжаларын жакшыртат.
Учурда бөйрөк трансплантациясына күтүү тизмесинде терминалдык стадиядагы созулмалы бөйрөк оорусу менен 200гө жакын бейтап бар. Борбордун адистери консультацияларды берүү жана операцияларга даярдоо үчүн даяр.
