«Операция аяктады. Дарыгерлерге жана мени колдогон бардык адамдарга ыраазычылык билдиргим келет. Алдыда жаракаттын жазылышы жана жаңы ишеним күтүп турат. Эми мурунга гана операция калды», - деп жазды ал социалдык тармактарында.
2023-жылдын 20-сентябрында Асель Ногойбаевага анын мурдагы күйөөсү Азамат Эстебесов келип, канцелярдык бычакты колдонуп, кулагын жана мурунун кесип салган. Аял калыбына келтирүү үчүн көптөгөн операцияларды өткөрдү.
Мурда ал милицияга зордуктоо боюнча арыз жазган. Сокулуктун соту ошол учурда Эстебесовду пробацияга чыгарып жиберген. Кийинчерээк өкүм кайра каралып, ал 8 жыл эркинен ажыратылды.
2024-жылдын январында сот Эстебесовду пробация укугу жок 20 жылга түрмөгө кескен. Мындан тышкары, ал мурдагы жубайына 2 миллион сом төлөөгө милдеттүү.
