Ал операциянын ийгиликтүү аяктаганын белгиледи.
«Докторлорго жана мени колдогон бардык адамдарга ыраазычылык билдирем. Эми алдыда айыгуу процесси жана жаңы ишеним күтүп турат. Бирок мага дагы бир нече операциялар жасалышы керек», — деп кошумчалады Асель.
Эскерте кетсек, Асель Ногойбаева 2023-жылдын 20-сентябрында оор бычак жаракаттары менен ооруканага жаткырылган. Анын мурдагы күйөөсү, Азамат Эстебесов, зомбулук кылып, анын кулагын жана мурунун кесип, башка жаракаттарды да берген. Кылмыш иши КРнын 130-беренеси «Ден соолукка оор зыян келтирүү» боюнча козголгон. Эстебесов кармалып, 2024-жылдын 26-январында Сокулук райондук соту аны 20 жылга эркинен ажыратууга өкүм чыгарды жана Асельге 2 миллион сом төлөөгө, ошондой эле мамлекетке 80 миң сом айып пул төлөөгө милдеттендирди.
