Маалыматка ылайык, Талас облусунда медицина тармагындагы кадр жетишсиздигин жоюу максатында облус башчысы Эрмат Жумаевдин демилгеси менен 2025-жылдын сентябрынан баштап 18 дарыгер жана 15 ординатор үзгүлтүксүз иштеп жатат.
Дарыгерлерди колдоо үчүн фонддордун бири ай сайын кошумча үстөмдүктөрдү берүү боюнча келишим түзгөн, учурда адистер ар бир иштеген ай үчүн бул каражаттарды толук алышууда.
Айрыкча, дарыгерлерге дарыгердик жүктөмүнө жараша 40 миң сомго чейин, ал эми ординаторлорго 12 миң сом берилет.
Дарыгерлер менен болгон жолугушууда облус башчысы иштеп жаткан адистерге ар тараптуу колдоо көрсөтүлөрүн билдирди. Президенттин өкүлү кошумча төлөмдөр токтобойт жана үзгүлтүксүз жүргүзүлөт деп маалымдады.
