Жогорку Кенештин жыйынында депутат Медина Кайрылбекова Талас шаарында мектептин жанында жайгашкан туберкулез ооруканасын көчүрүү зарылдыгын сунуштады.
Ал бул медициналык мекеме шаар борборунда жайгашканын жана канализация системасына туташпаганын белгиледи.
«Оорукананын өзүнүн септиги бар. Анын 50 метр аралыкта мектеп жайгашкан, ошондой эле жаңы билим берүү мекемесин куруу пландалууда. Ооруканадан чыккан саркынды суулар унаа менен чыгарылып, биопрудга төгүлөт. Тазалоо курулмаларынын 500 метр аралыкта «Жаштык» турак жай массиви жайгашкан, анда 500гө жакын үй-бүлө жашайт, алар 6 метр тереңдиктеги жер астындагы булактан суу колдонушат», — деди депутат.
