Ал ЕАЭБ өлкөлөр ортосунда сооданы жеңилдетүүгө аракет кылып жаткандыгына карабастан, бажы төлөмдөрүндөгү өзгөрүүлөр дары-дармек киргизүү процессин кыйла татаал кылганын белгиледи. Өзгөчө сейрек жана онкологиялык оорулар менен жабыркаган адамдар кыйналууда, алар көп учурда тааныштарынан Түркия же Россиядан зарыл дары-дармектерди алып келүүнү суранышат.
«Эгер дары-дармек баасы 200 евродон ашса, бажы кызматкерлери жүк жөнөтүүлөрдү токтотуп, аларды бажыдан өткөрүүнү талап кыла башташат. Мурдагы лимит 500 евро болгон, бирок 200 еврого төмөндөтүлгөн. Бул маселени кантип чечүүгө болот?» - деп депутат суроо узатты.
Бул суроого жооп катары экономика жана соода министринин орун басары Султан Ахматов киргизүү тарифтери ар бир республикадагы экономикалык абалга жараша өзгөрүп турарын белгиледи. «Эгер белгилүү муктаждыктар пайда болсо, биз керектүү продукциялар үчүн квота сурана алабыз», - деп түшүндүрдү ал жана депутат тарабынан көтөрүлгөн маселени карап чыгууну убада кылды.
Дастан Бекешев ошондой эле ЕАЭБдин чектөөлөрү кымбат дары-дармекке муктаж адамдарга терс таасир этерин белгиледи. «Биз, негизинен, контрабанда менен эмес, оорулуу адамдардын муктаждыктары менен күрөшүп жатабыз», - деди ал.
Султан Ахматов бул позиция менен макул болуп, 200 евро чектөөсүнүн төмөндөшүнүн себеби көпчүлүк дары-дармек интернет аркылуу сатып алынгандыгында экенин кошумчалады.
