М.Миррахимов атындагы Улуттук кардиология жана терапия борборунун жамааты бүгүн жаңы директору — Талант Эралиевди кабыл алды.
Саламаттык сактоо министрлигинин маалымат кызматы билдиргендей, жаңы жетекчини тааныштырууда биринчи орун басар министр Айбек Маткеримов кардиологиялык жардам системасынын так жана уюшкан иштөөсүнүн маанилүүлүгүн белгиледи.
«Мурда аныкталган көйгөйлөр башкаруучу чечимдерди кабыл алуунун зарылдыгын көрсөтөт. Биз жаңы команда дисциплинаны, процесстерде уюшкандыкты жана жогорку клиникалык натыйжаларды камсыздайт деп үмүттөнөбүз», — деди ал.
Резюме:
Эралиев Талант Каканович,
1987-жылы туулган, улуту — кыргыз.
2011-жылы Санкт-Петербургдагы С. М. Киров атындагы Аскер-медициналык академияны «Дарылоо иши» адистиги боюнча бүтүргөн.
2011-2012-жылдары «Хирургия» адистиги боюнча интернатурадан өткөн, андан соң 2012-жылы Алматыда «SEMA» медициналык борборунда интервенциялык кардиология боюнча биринчи квалификация курсун өткөн.
2012-2014-жылдары Ош шаарындагы Аскер госпиталында хирургия бөлүмүнүн улук ординатору болуп иштеген.
2013-2014-жылдары Ош шаарындагы «Кардио Азия Плюс» медициналык борборунда интервенциялык кардиолог болуп иштеген.
2016-2022-жылдары Ош шаарындагы Аскер госпиталында хирургия бөлүмүнүн башчысы болуп, бир мезгилде «Кардио Азия Плюс» медициналык борборунда рентгенэндоваскулярдык диагностика жана дарылоо врачына, Ош облустук бириктирилген клиникалык ооруканасында эндоваскулярдык хирург болуп иштеген.
2019-2023-жылдары Ош шаарындагы Аскер госпиталында медициналык кызматтын начальниги жана орун басарынын милдеттерин аткарган.
2022-2023-жылдары Ош шаарындагы «EUROCLINIC» медициналык борборунда рентгенэндоваскулярдык диагностика жана дарылоо врачына болуп иштеген.
2022-жылдан 2026-жылдын январына чейин Ош шаарындагы «Кыргызстан-Россия» клиникасында рентгенэндоваскулярдык диагностика жана дарылоо врачына болуп иштеген.
Эралиев медицина илимдеринин кандидаты, бул даража Е. Н. Мешалкин атындагы кан айлануу патологиясы институтунда берилген.
Мындан тышкары, ал «Кыргыз рентгенэндоваскулярдык хирургдар илимий-медициналык коомун» жетектеген.
