Кыргызстанда бир жумада 15 миң 869 ОРВИ жана грипп учурлары катталды

12-18-январь аралыгында Кыргызстанда 15 869 ОРВИ жана грипп оорусу катталды. Бул өткөн жумага салыштырмалуу 28,8% га көп, деп билдирет Мамлекеттик санитардык-эпидемиологиялык көзөмөл департаменти.

Эпидемиологдордун маалыматына ылайык, өлкөдөгү учурдагы абал туруктуу бойдон калууда.

Жалпы ооругандардын 76,7% 14 жашка чейинки балдар, бул 12 167 учурду түзөт. Ооруканага жаткырылгандар жалпы ооругандардын 17,4% ын түзөт — бул 2 759 учур.

Бишкек, Ош жана Токмокто оор жугуштуу респиратордук инфекциялар (ОЖРИ) жана гриппке окшош оорулар (ГО) боюнча абалды мониторинг жүргүзүү уланууда.

Дагы окуңуз:

Грипп жана ОРВИ Кыргызстанда. Ооругандардын саны кайрадан өсүүдө