Ал бала кезинен гүл өстүрүүгө кызыгат.
«Мен түштүктө төрөлгөм, бирок үй-бүлөлүк себептерден улам Беловодское айылына көчүп баргам. Азыр Полтавкада жашайм. Двордо 30дан ашык гүл сортторун өстүрө турган кичинекей жылыжай бар. Даяр көчөттөрдү Беловодск базарында сатам», - деп бөлүштү ал.
Көктөм келгенде сатып алуучулардын агымы кыйла жогорулайт. Көчөттөрдүн баасы 600 сомдон 1500 сомго чейин өзгөрөт. Эң көп суроо-талапка ээ болгон көчөттөр — азалия жана камелия. Үч көктөм айында — март, апрель жана май — Гүлүмкан 400 миң сомго жакын киреше табат, бул ага айына 100 миң сомдон ашык киреше алууга мүмкүнчүлүк берет. Бул иште ага күйөөсү жана балдары активдүү жардамдашат», - деп белгиледи Калчаева.
Гүлүмканын пландарында жылыжайды кеңейтүү, толук гүл бакча түзүү бар.
«Гүлдөрдү өстүрүү үчүн шарттарды жана инфраструктураны жакшыртуу боюнча айыл өкмөтүнөн колдоо күтөм», - деди ал.
Гүлүмкан төрт баланын энеси, ал эми күйөөсү фермер. Ал Жайыл районунун Полтавка айылында жашайт.
