Башкы прокурор мамлекеттик жана муниципалдык менчик боюнча мыйзамдарды иштеп чыгуу учурунда 1 246 мыйзам бузуу аныкталганын, анын негизинде 690 прокурордук акт түзүлгөнүн белгиледи. Алардын каралышынын натыйжасында 51 кылмыш иши козголуп, 188 доо арыз сотко берилди, жана 282 кызмат адамы дисциплинардык жоопкерчиликке тартылды. Мындан тышкары, 23 миллиард сомдон ашык зыян кайтарылды.
Асаналиев социалдык объекттерди, айрыкча билим берүү, саламаттыкты сактоо жана спорт тармагында мыйзамсыз алынган объекттерди кайтарууга өзгөчө көңүл бурулганын, бул коомчулук жана балдар үчүн өтө маанилүү экенин белгиледи.
Маалыматтарды талдоо 2012-жылдан 2023-жылга чейин прокуратура 1 миллиард 174 миллион сомдук жалпы баадагы 143 социалдык объектти кайтарганын көрсөтүп турат. Алардын ичинен 115 объект акыркы эки жылда 5 миллиард сомдон ашык суммага кайтарылган. Учурда соттордо ушул сыяктуу маселелер боюнча прокурорлордун 93 доо арызы бар.
2025-жылга карата прокурордук чаралардын натыйжасында мамлекеттик менчикке 72 социалдык объект кайтарылды, алардын арасында:
- 15 бала бакча;
- 14 билим берүү мекемеси;
- 15 медициналык объект;
- 7 маданий мекеме;
- 4 спорттук объект;
- 17 башка социалдык объект.
