Документке ылайык, айыл өкмөттөрүнө жана алардын жетекчилерине талаптарды күчөтүү, анын ичинде жергиликтүү өз алдынча башкарууда милдеттүү санариптештирүүнү киргизүү сунушталууда.
Мыйзам долбоору айыл өкмөттөрүн белгиленген стандарттар боюнча расмий сайттарды иштеп чыгууга жана колдоого милдеттендирет. Бул ресурстарда калктуу конуштар, иш графиги, байланыш маалыматтары (мессенджерлерди кошкондо) жана жарандар үчүн башка маанилүү маалыматтар жайгаштырылат. Ошондой эле жайгаштырылган маалыматтарды туруктуу жаңыртуу талабы киргизилет.
Мындан тышкары, айыл өкмөтүнүн башчысынын кызмат ордуна талапкерлер үчүн критерийлерди катуураак кылуу сунушталууда. Атап айтканда, алар:
- жогорку билимге жана зарыл жумуш тажрыйбасына ээ болушу керек;
- мамлекеттик тилди билгендигин тастыктаган сертификатты берүү;
- кызматтык милдеттерди аткаруу үчүн жетиштүү деңгээлде расмий тилди билүү.
Коштоочу маалыматта белгиленгендей, бул өзгөртүүлөр жергиликтүү өз алдынча башкаруу органдарынын ишинин ачыктыгын жогорулатууга, жарандардын маалыматка жетүүсүн жакшыртууга жана санарип кызматтарды өнүктүрүүгө багытталган.
Талкуулар аяктагандан жана мыйзам кабыл алынып, расмий жарыяланган күндөн тартып 10 күндөн кийин күчүнө кирери күтүлүүдө.
