Ал каржы министрлигинен олуттуу реформаларсыз жана балдар бакчаларын куруу үчүн кеминде 1 миллиард доллар бөлүнбөсө, абал өзгөрбөйт деп белгиледи.
«6 миллион долларды бекитүү — бул өлкө масштабына караганда күлкү. Биз бул акчаны «таратуудабыз»: ар бир шаарга бир балдар бакчасы. Бул маселенин чечими эмес. Көп сумма үчүн Минфинге кайрылыш керек», — деп кошумчалады Бекешев.
Талкууланып жаткан каржылоонун «Келечектеги билим берүү» долбооруна тиешеси бар. Документке ылайык, Кыргызстан Эл аралык өнүктүрүү ассоциациясынан 4 миллион 360 миң доллар кредит жана 2 миллион доллар грант алат. Келишим 2025-жылдын октябрь айында Вашингтондо кол коюлган.
Бүгүнкү күндө 3 жаштан 5 жашка чейинки балдардын мектепке чейинки билим менен камсыздалышы болгону 51% түзөт. Профильдик ведомство бул көрсөткүчтү 2030-жылга чейин 80% га жеткирүү милдетин койду.
