Суу ресурстары, айыл чарба жана кайра иштетүү өнөр жайы министри Эрлист Акунбеков тарабынан уюштурулган жыйынга Кыргызстанга минералдык тыңайткычтарды импорттоо менен алектенген компаниялардын өкүлдөрү катышты. Бул тууралуу өкмөттүн маалымат кызматы билдирди.
Иш-чарада катышуучулар минералдык тыңайткычтарды жеткирүүнүн учурдагы абалын, өлкөгө келип түшкөн көлөмдөрдү, ошондой эле баа аспектилерин жана компаниялардын ушул тармакта туш болгон көйгөйлөрүн талкуулашты.
Талкуунун жыйынтыгында өлкөнү минералдык тыңайткычтар менен убагында жана жетиштүү камсыздоо үчүн кошумча чараларды кабыл алуу зарылдыгы белгиленди. Ошондой эле республикага тыңайткычтарды импорттоо жана жеткирүү менен байланышкан учурдагы маселелерди чечүү үчүн бир катар мамлекеттик органдарга тапшырмалар берилди.
