Пробация институту маанилүү таасир көрсөттү
Кыргызстандын юстиция министри Аяз Баетов өлкөдөгү абактагы адамдардын санынын азайганын жана кайталанма кылмыштуулук деңгээлинин төмөндөгөнүн «Бардыгы үчүн адилеттүүлүк» долбоорунун жыйынтыктоочу иш-чарасында билдирди.
Баетовдун айтымында, бул өзгөрүүлөрдө пробация институту негизги роль ойноду.
«Кыргызстандын Европалык Союз менен узак мөөнөттүү кызматташтыгы жемиш берди. Бул долбоордун алкагында сот системасын санариптештирүү ишке ашырылды, ошондой эле пробация тармагында маанилүү иштер жүргүзүлдү, бул мамлекеттик органдарга жана жарандарга ишти жеңилдетти», - деп кошумчалады министр. Ал ошондой эле колониялардан бошотулган жерлерде жаңы көп кабаттуу үйлөр курулуп жатканын белгиледи.
Сүрөт www
