Тышкы саясат министрлигинин маалыматына ылайык, министр визиттин жыйынтыктарын оң баалап, теориялык макулдашуулардан конкреттүү аракеттерге өтүүнүн маанилүүлүгүн белгиледи.
Талкуулоонун жүрүшүндө негизги көңүл экономикалык жана соода кызматташтыгы, ошондой эле инвестициялар маселелерине бурулду. Британиялык технологияларды жана капиталды Кыргызстанга тартуу мүмкүнчүлүктөрүнө, айрыкча кен казуу тармагына өзгөчө көңүл бөлүндү.
Тараптар ошондой эле өкмөттөрдүн делегацияларынын алмашуусун жана бизнес-миссияларды уюштурууну камтыган ар кандай деңгээлдерде өз ара визиттерди кеңейтүү боюнча макулдашышты.
Мындан тышкары, Жогорку Кеңеш менен Британия парламенти ортосундагы парламент аралык байланыштарды өнүктүрүү маселеси көтөрүлдү, ошондой эле эки өлкөнүн парламентарийлеринин визиттерин алмашуу боюнча сунуштар талкууланды.
Ошондой эле, жолугушууга катышуучулар Жакынкы Чыгыштагы кырдаал боюнча пикир алмашышып, бул региондо тынчтык орнотууга үмүт артишты.
Жолугушуунун жыйынтыгы боюнча тараптар жетишилген макулдашууларды ишке ашыруу үчүн туруктуу байланыштарды колдоого даяр экендиктерин билдиришти.
