Жаңы токтомго ылайык, Табигый ресурстар, экология жана техникалык көзөмөл министрлигинин жана анын структуралык бөлүмдөрүнүн милдеттери такталган.
Айрыкча, документтен кен пайдаланууга лицензиялар үчүн алымдарды түздөн-түз башкарууга байланыштуу жоболор алынып салынган. Анын ордуна министрликке кен пайдаланучулар тарабынан берилген алымдар боюнча эсептерди макулдашуу тапшырылган.
Мындан тышкары, ведомство төлөмдөрдү эсептөө тактыгын көзөмөлдөө, отчеттуулукту даярдоо жана аталган алымдар боюнча кайра эсептөөлөрдү жүргүзүү үчүн жооптуу болот.
Ушуга окшош өзгөртүүлөр Кыргыз геологиялык кызматтын иш регламентине да киргизилген.
Бул документ жарыяланган күндөн тартып 15 күндөн кийин күчүнө кирет.
