Ушул сунушталган өзгөртүүлөр «Россия Федерациясындагы чет өлкөлүк жарандардын укуктук абалы жөнүндө» мыйзамга тиешелүү, ошондой эле өлкөнүн Салык кодексине өзгөртүүлөр киргизилет.
Жаңы нормаларга ылайык, эмгек мигранттары өздөрү үчүн гана эмес, Россияда алардын кароосундагы үй-бүлө мүчөлөрү үчүн да бекитилген аванс салыкты төлөөгө милдеттүү болушат. Мигранттын жана анын үй-бүлө мүчөлөрүнүн Россияда болуу мөөнөтү алардын эмгек мамилелеринин узактыгына түздөн-түз көз каранды болот. 18 жашка толгон мигранттардын балдары, эгерде аларда Россияда жашоону улантууга мыйзамдуу негиздер жок болсо, өлкөнү 30 күндүн ичинде таштап кетүүгө милдеттүү.
Эгер чет өлкөлүк жаран өзүнүн кирешелери тууралуу маалымат бербесе же анын кирешелери белгиленген нормадан төмөн болсо, патент же жумушка уруксат жокко чыгарылат.
Мындан тышкары, убактылуу жашоого же туруктуу жашоого уруксат алган чет өлкөлүктөргө коюлган талаптардын катаалдаштыруусу пландалууда. Эгер мигрант жыл ичинде он айдан аз убакыт иштесе, бул уруксаттар жокко чыгарылышы мүмкүн. Долбоордо Россиядагы чет өлкөлүк жарандардын эмгек ишмердүүлүгүн жөнгө салууга байланыштуу башка өзгөртүүлөр да камтылган.
