Ал бул жетишкендик Кыргыз Республикасынын саламаттык сактоо системасы үчүн маанилүү экенин белгиледи, анткени бөйрөктүн хроникалык оорулары өлкөдөгү негизги медициналык көйгөйлөрдүн бири болуп калууда.
Мамадалиев ошондой эле акыркы жылдары мамлекет гемодиализге муктаж бейтаптардын дарылануусун толугу менен каржылай баштаганын айтты. Мурда көптөгөн жарандар дарыланууга каражат жетпегендиктен, социалдык тармактар аркылуу жардам сурап кайрылууга мажбур болушкан.
Анткен менен, министрдин биринчи орун басары гемодиализ хроникалык бөйрөк жетишсиздигинин көйгөйүн толук чечпей турганын эскертти. Дарылоонун негизги варианты органдардын трансплантациясы болуп саналат. Бирок медициналык көрсөткүчтөргө ылайык, бардык бейтаптарга мындай процедураны өткөрүү мүмкүн эмес, жана мындай учурларда алардын дарылануы да мамлекет тарабынан каржыланат.
2023-жылдан баштап Кыргыз-Түрк ооруканасында түрк адистери менен биргеликте органдардын трансплантациялоо операциялары жүргүзүлө баштады. Белгиленген мезгил ичинде 10 операция жүргүзүлдү, дагы 10 операция келечекте пландаштырылууда.
