Жаңы документке ылайык, мектептерден 100 метр радиусунда зыяндуу азыктарды сатууга тыюу салынат.
Ошондой эле токтодо билим берүү мекемелеринин инфраструктурасына коюлган талаптар такталган. Атап айтканда, чектелген мейкиндикте төрт кабаттуу имараттарды курууга уруксат берилет. Жогорку кабатта үй-бүлөлүк кызматтар жана окуучулар менен иштөө үчүн кабинеттер, мисалы, психологдор, логопеддер жана социалдык педагогдор жайгаштырылышы мүмкүн.
Документ мектептердин кайра жабдылган имараттарда жайгашуусуна коюлган талаптарды жаңыртат, анда окуу класстары, тамактануучу жайлар, медициналык кабинеттер, эс алуу зоналары, административдик жайлар, санитардык түйүндөр жана гардеробдор болушу керек.
Теманы окуңуз
2026-жылы Бишкекте 25 жаңы мектеп жана 7 окуу корпусу курулат
Санитария, желдетүү жана өрт коопсуздугу нормалары сакталса, жер төлөлөрдү тамактануучу жайлар, китепканалар, спорттук жана акт залдары үчүн пайдаланууга уруксат берилет.
Спорт залдарында балдар жана кыздар үчүн өзүнчө кийим алмаштыруучу жайлар жана санитардык түйүндөрдү түзүү сунушталат. Душтарды орнотуу мүмкүнчүлүгү имараттын техникалык шарттары менен аныкталат. Эгер мектептин өз спорт залы жок болсо, жакынкы спорт объекттерин пайдаланууга уруксат берилет.
Жаңы эрежелер эки жумада күчүнө кирет.
