Kloopтун адвокаты Нурбек Токтакуновдун берген маалыматына ылайык, Жогорку Соттун судьялары апелляцияны карабастан, тез арада чечим кабыл алышты.
Эскерте кетсек, Бишкектин Октябрь прокуратурасы Kloop media, Temirov Live жана "Айт айт десе" материалдарын экстремисттик деп таануу боюнча сотко кайрылган, бул маалыматтар ГКНБ тарабынан берилген. Бул өтүнүч 2025-жылдын 27-октябрында канааттандырылып, аталган басылмалар экстремисттик деп таанылган.
Ошондой эле, Интерпол Кыргызстан тарабынан Kloopтун тең негиздөөчүсү Ринат Тухватшинди издөө боюнча берилген өтүнүчтү четке какканын белгилеп өтүү керек.
