Эрдоган сүйлөшүүлөр учурунда түрк элдери ортосундагы кызматташтыкты тереңдетүүнүн маанилүүлүгүн белгиледи. Ал аймактык жана эл аралык деңгээлде негизги актуалдуу маселелер боюнча туруктуу диалогдун зарылдыгын баса белгилеп, аталган уюмдун алкагында көп тараптуу мамилелерди кеңейтүүгө болгон каалоосун билдирди.
КР Тышкы иштер министрлигинин басма сөз кызматынын сүрөтү.
КР Тышкы иштер министрлигинин басма сөз кызматынын сүрөтү.
Кыргызстандын тышкы иштер министри Жээнбек Кулубаев Эрдоганга президент Садыр Жапаровдун саламын жана жакшы тилектерин жеткирди. Ал Түркия Кыргызстандын "маанилүү жана ишенимдүү өнөктөшү" экенин белгилеп, Бишкек достук, өз ара урматтоо жана стратегиялык өнөктөштүк негизинде мамилелерди кармап келе жатканын айтты.
Кулубаев ошондой эле Эрдогандын регионалдык жана эл аралык конфликттерди дипломатия аркылуу тынчтык жолу менен чечүү боюнча жеке салымын белгиледи.
Мындан тышкары министр Бишкекте быйыл өткөрүлүүчү Шанхай кызматташтык уюму саммитине жана Көчмөндөрдүн дүйнөлүк оюндарына даярдык тууралуу айтып берди.
