Министрлер Түштүк-Чыгыш Азиядагы зордук-зомбулуктун өсүшүнө байланыштуу олуттуу тынчсыздануусун билдиришти
7-мартта Стамбулда өткөн Түрк мамлекеттеринин уюмуна кирген өлкөлөрдүн тышкы иштер министрлеринин жыйынында Түштүк-Чыгыш Азиядагы кырдаал талкууланды, натыйжада жалпы билдирүү кабыл алынды.
Жыйындын төрагасы болуп уюмдун башкы катчысы Кубанычбек Омуралиев болду.
Жыйындын катышуучулары Түркия жана Азербайжанга болгон чабуулдарды, ошондой эле жарандардын өмүрүнө жана региондун туруктуулугуна коркунуч туудурган аракеттерди катуу айыпташты жана бул аймакта зордук-зомбулуктун өсүшүнө байланыштуу олуттуу тынчсыздануусун билдиришти.
Министрлер мындай инциденттердин кайталанышына жол бербөө зарылдыгын белгилешти, анткени бул региондогу кырдаалды начарлатып, чыңалуунун дагы да күчөшүнө алып келиши мүмкүн.
Мындан тышкары, алар мамлекеттердин суверенитетин, аймактык бүтүндүгүн жана коопсуздугун колдой тургандыктарын билдирип, конфликттерди тынчтык жолу менен диалог аркылуу жана эл аралык укук жана дипломатиянын алкагында чечүүгө чакырышты.
Сүрөт www
