Анын айтымында, эл өкүлдөрү мыйзамдарды кабыл алганда, алардын келечектеги тагдырына көңүл бөлүшпөйт.
Депутат Кыргызстанда 158 миң 111 нормативдик укуктук акт бар экенин, анын ичинен учурда 135 миң 567си иштеп жатканын белгиледи.
Ал Жогорку Кенеш 5 миң 755 мыйзам жана 23 миң 347 токтом кабыл алганын баса белгиледи. Соңку үч жылда депутаттар 677 мыйзам долбоорун жактырган, бирок мониторинг болгону сегизөөсүнө гана жүргүзүлгөн. «Учурдагы мыйзамдарга ылайык, кабыл алынган чечимдерди туруктуу мониторинг жүргүзүлүп, баа берилиши керек, жана биз анализ жүргүзүүгө милдеттүүбүз. Биз мыйзамдарды кабыл алабыз, бирок алардын сапатына, кандайча иштеп жаткандыгына жана жарандарга кандай таасир эткенине көңүл бурбайбыз. Мыйзамдардын сапаты төмөндөп кетти», — деп кошумчалады ал.
Улукбек Карыбек уулу 2024-жылы парламент тарабынан кабыл алынган мыйзамдарды баалоо системасы тууралуу токтомду да эске салды, ага ылайык, ар бир комитет өзүнүн кабыл алган мыйзамдарын талдашы керек.
Ал ар бир мыйзамды талдоо менен Жогорку Кенештин комитеттерине сунуштарды берчү Институт түзүүнү сунуштады.
