Жаңы кырдаалды талкуулап, сүйлөшүүгө катышуучулар конфликтти тез арада чечүүгө, дипломатиялык диалогду калыбына келтирүүгө жана тынчтык менен туруктуулукту камсыз кылуу үчүн чараларды кабыл алууга үмүт артишты.
Мындан тышкары, министр Кулубаев Оман Республикасынын тышкы иштер министри Сайид Бадр бин Хамад Аль-Бусаидимен байланышып, сүйлөшүү учурунда тараптар регионалдык коопсуздук жана туруктуулук боюнча маанилүү маселелер боюнча пикир алышышты.
Министр Кулубаев ошондой эле Кыргызстан президентинин колдоо сөздөрүн Оман элине жана жетекчилигине жеткирди, Перс булуңундагы өлкөлөрдөн кыргызстандыктарды кайтарууга жардам бергендерине ыраазычылык билдирди.
Сүйлөшүүлөрдүн соңунда министрлер учурдагы карама-каршылыктарды тек гана тынчтык жолу менен чечүүнүн зарылдыгын баса белгилешти, бул региондогу туруктуулукту тез арада калыбына келтирүүгө көмөктөшөт.
***
28-февралда таң эртеден Израиль жана Америка Кошмо Штаттары Иранга сокку урду. Дональд Трамп ирандын ядролук программасын жок кылуу ниетин жарыялады.Жооп катары Иран израиль аймагына жана Америка аскер базалары жайгашкан башка Түштүк-Чыгыш Азия өлкөлөрүнө сокку ура баштады. Соккулар Бахрейнге, Кувейтке, Дубайга, Абу-Даби жана Эр-Риядга жасалды.
Америка-израиль операциясынын натыйжасында Ирандын жогорку лидери аятолла Али Хаменеи өлтүрүлдү, ал эми анын аялы Мансуре Ходжасте соккудан жаракат алып, каза болду.
Дональд Трамп Ирандагы аскердик аракеттер төрт жумага созулаарын билдирди. Иран болсо, Америка Кошмо Штаттарына жана Израильге каршы жихад жарыялап, сүйлөшүүлөр болбой турганын белгиледи.
Түштүк-Чыгыш Азиядагы конфликт глобалдык абалга, анын ичинде Кыргызстанга таасир этүүдө. Учурда миңдеген туристтер ОАЭде конфликттин кесепетинен калып калды. Кыргызстандыктар үчүн чет өлкөдөгү элчиликтердин жана консулдуктардын байланыш номерлерин бул жерден таба аласыз.
