«Алар кылмыш жасап, жаза өтөп жатканына карабастан, мамлекеттин колдоосуз калтыруу туура эмес. Эгер 2023-жылы 84 адам экстрадицияланган болсо, 2025-жылга чейин бул сан 234кө жетти. Азыркы учурда, март айынын абалы боюнча, 81 жаран экстрадицияланды», — деп билдирди депутат.
Сагынаев ошондой эле айрым соттолгондор СВО, жарандык же акча компенсациясы боюнча сунуштарга туш болуп жатканын, жана алардын көпчүлүгү шарттарды чыдабай, мындай сунуштарга макул болуп жатканын баса белгиледи. «Бул эске алынышы керек болгон маселе. Чет өлкөдө жаза өтөп жаткан жарандарды экстрадициялоо процессин тездетүү маанилүү милдет болуп калууда», — деп кошумчалады ал.
Анын айтымында, экстрадиция прокуратуранын көзөмөлүндө, учурда Орусияда болжол менен 1,1 миң кыргызстандык жаза өтөп жатат. Сагынаев Кыргызстандын Орусиядагы элчилигинде Башкы прокуратуранын өкүлчүлүгүн түзүүнү карап чыгуу сунушун берди.
