Жолугушуунун жүрүшүндө аткаруучу комитеттин мүчөлөрү КФСтин негизги долбоорлорун ишке ашыруу программасын колдошту жана актуалдуу тапшырмаларды жана пландаштырылган иш-чараларды эске алып бюджетке өзгөртүүлөрдү киргизишти. Ошондой эле, КФСтин кийинки Конгресси 2026-жылдын 15-апрелине белгиленди.
Кеңешүүлөрдүн алкагында 2026-жылга Балдар футбол лигасы жана Кыргызстандын Биринчи лигасы үчүн регламенттер бекитилди, ошондой эле Биринчи лигага катышкан командалардын акыркы курамы аныкталды. Аткаруучу комитет клубдар үчүн милдеттүү төлөмдөрдүн өлчөмдөрүн жана командаларды каржылык колдоо механизмдерин белгиледи.
Күн тартибиндеги негизги маселе "Токтогул" футбол клубунун жаңы сезонго үй матчтарын жасалма жабындуу талаада өткөрүү өтүнүчү болду. Бирок талкуунун жыйынтыгы жана добуш берүүнүн натыйжасында бул демилге колдоо тапкан жок. Кабыл алынган чечимдер уюштуруу ишмердүүлүгүн жакшыртууга жана өлкөдөгү футбол мелдештеринин сапатын жогорулатууга багытталган.
