Фото ыйгарым укуктуу өкүлчүлүктөн
Жыйында чек араларды бекемдөө боюнча учурдагы иштер талкууланды. Тийиштүү мамлекеттик органдардын жетекчилерине коюлган тапшырмаларды милдеттүү жана сапаттуу аткаруу боюнча көрсөтмөлөр берилди.
2025-жылга чейин долбоордун алкагында чек аранын дээрлик 150 чакырымында инженердик тосмо орнотулат. 2026-жылы кошумча 200 чакырым коргоо сызыктарын куруу пландалууда:
- 65 чакырым — Баткен районунун аймагында;
- 135 чакырым — Лейлек районунда.
Жыйындынын катышуучулары аракеттерди координациялоонун жана белгиленген мөөнөттөрдү так сактоонун маанилүүлүгүнө көңүл бурушту.
Ошондой эле, мыйзамсыз товар жүгүртүүнү аныктоо боюнча иштерди активдештирүү зарылдыгы белгиленди. Жогорку тобокелдик аймактарында көзөмөлдү күчөтүү, инженердик курулмаларды бузуунун алдын алуу жана орнотулган инфраструктуранын коопсуздугун камсыздоо боюнча тапшырма берилди.
Учурдагы эл аралык кырдаалды, анын ичинде Афганистан жана Пакистандагы окуяларды эске алуу менен коопсуздукту камсыздоо жана бардык кызматтардын даярдыгын жогорулатуу боюнча кошумча көрсөтмөлөр берилди.
