Ирандын президенти Масуд Пезешкиан расмий билдирүүсүндө Тегеран Али Хаменейдин өлүмү үчүн кек алуу "ажырагыс милдети жана укугу" деп эсептээрин баса белгиледи. Бул тууралуу France 24 маалымдайт.
Мамлекет башчысы Хаменей сыяктуу маанилүү саясий жана диний фигуранын жоголушу бардык мусулмандарга каршы согуш жарыялоо катары кабыл алынарын белгиледи. Иран 28-февралдан 1-мартка караган түнү анын өлүмү тууралуу маалыматты тастыктап, ал өзүнүн резиденциясына жасалган авиация соккуларынын натыйжасында өлтүрүлгөнүн билдирди.
The Wall Street Journal маалыматтарына ылайык, израильдик жоокерлер сокку учурунда объектке болжол менен 30 авиабомба ташташкан. The New York Times басылмасы сокку убактысы кокустан аныкталбаганын, АКШнын чалгындоо кызматы (ЦРУ) Ирандын жогорку жетекчилиги жана Хаменейдин катышуусундагы жашыруун жыйын өткөрүлүп жатканы тууралуу маалымат алганын билдирет.
Учурда Иран аза күтүү абалында, жогорку лидердин функцияларын убактылуу башкаруу органдары аткарууда.
