Талкуулоонун жүрүшүндө катышуучулар парламенттер аралык өз ара аракеттенүүнү тереңдетүү мүмкүнчүлүгү тууралуу пикир алышышты. Министр Кулубаев британдык кесиптештери менен Жогорку Кеңештеги жакында өткөн шайлоолордун жыйынтыктарын бөлүштү.
Сүрөт: КР ТИМ
Ал шайлоо процесси улуттук мыйзамдарга жана эл аралык стандарттарга ылайык өткөнүн, бул демократия, атаандаштык жана ачыктык принциптерин бекемдегенин белгиледи.
Кулубаев парламенттин өлкөнүн саясий жана экономикалык жашоосундагы маанилүү ролуна көңүл бурду. Анын айтымында, Жогорку Кеңеш мамлекеттик реформаларды активдүү колдойт, экономиканы өнүктүрүүгө жана башкаруунун сапатын жакшыртууга көмөктөшөт.
Министр ошондой эле кыргыз-британ байланыштарын күчөтүүгө кызыгуусун билдирип, кызматташуу үчүн приоритеттүү багыттарды белгиледи.
Кулубаевдин пикири боюнча, мыйзам чыгаруу органдарынын ортосундагы түз байланыштар өкмөттөр аралык мамилелерге эффективдүү кошумча болуп, эки тараптуу саясий диалогду бекемдөөгө жардам берет.
