Ал жаш адистердин алыскы райондордо тестирлөөдөн өтүү үчүн Бишкекте кезек күтүүдөгү көйгөйлөргө туш болуп жатканын белгиледи.
«Бул мекемеде бюрократия жана коррупция учурлары байкалууда. Биз мамлекеттик тилди билүүнү талап кылган менен, бардык каалагандар үчүн тең шарттарды түзбөйбүз. Аймактардан келген адистер дискриминацияга дуушар болуп, убакыттарын жана акчаларын коротушат», — деп кошумчалады Карыбек уулу.
Депутат «Кыргызтесттин» ар бир региондо филиалдарын ачууга чакырып, тестирлөө процессин жеңилдетүү үчүн санариптик технологияларды киргизүүнү сунуштады.
