Жакында өткөн парламент жыйынында депутат Карыбек уулу Улукбек мурда журналист болуп турганда, Араван районунун Чек-Абад айыл өкмөтүндө 18 гектар жердин мыйзамсыз ээлеп алынгандыгы тууралуу бир нече жолу көтөргөнүн белгиледи. Анын айтымында, бул жерди мурдагы атайын кызматтын кызматкери Шералы Нурмуратов ээлеп алган.
Депутаттын айтымында, көрсөтүлгөн аймакта ар кандай объектилер курулуп, кийинчерээк үчүнчү жактарга сатылган. Ал коррупциялык байланыштардын натыйжасында бул окуя көп жылдар бою көңүлдөн четте калганын эсептейт.
Карыбек уулу Улукбек тиешелүү мамлекеттик органдарды терең иликтөө жүргүзүүгө жана талаштуу жер участогу боюнча мамлекеттин жана жергиликтүү тургундардын кызыкчылыгында чечим кабыл алууга чакырды.
