Эркиновдун айтымында, бөлүнгөн каражаттар өлкөнүн түштүк аймагындагы тургундарга медициналык жардам көрсөтүүчү Ош шаарындагы референс ооруканаларды жабдуу үчүн арналган.
Гранттык келишимдин алкагында тамыр жана жүрөк операциялары үчүн ангиографикалык комплекс, магниттик-резонанстик томограф (МРТ), сүт бездеринин ооруларын диагностикалоо үчүн маммограф, ошондой эле рентген аппараттары сатып алынат.
Кыргызстандын өкмөтү менен Япониянын ортосундагы келишим долбоору Жогорку Кеңештин эмгек, саламаттык сактоо, аялдар жана социалдык маселелер комитети тарабынан колдоого алынды. Бул документти ушул аптада өтө турган парламенттин пленардык жыйынында караш күтүлүүдө.
