Байсалов: "Мамлекет тарабынан спортту колдоо системалуу болуп баратат, жана каржылоо жыл сайын өсүүдө. 2020-жылы бул максаттар үчүн болжол менен 800 миллион сом бөлүнгөн, ал эми 2022-жылы бул сумма дээрлик 2,6 миллиард сомго жетти. Бул мамлекеттин спорт тармагына болгон ишенимин жана спортчуларга болгон жоопкерчилигибизди тастыктайт" - деди.
КР кабминдин сайтынан алынган сүрөт.
Кабминдин төрага орун басары Улуттук өнүктүрүү программасын 2030-жылга чейин ишке ашырууга өзгөчө көңүл бурулаарын белгиледи. "Бул программанын алкагында негизги милдет - калк үчүн физикалык маданият жана спорттун жеткиликтүүлүгүн арттыруу, инфраструктураны модернизациялоо, олимпиадалык резервди даярдоо жана массалык спортту өнүктүрүү, анын ичинде билим берүү мекемелеринде спорт секцияларын ачуу. Ошондой эле, биз аялдар спортуна активдүү колдоо көрсөтүүнү пландап жатабыз" - деп кошумчалады ал.
КР кабминдин сайтынан алынган сүрөт.
КР кабминдин сайтынан алынган сүрөт.
КР кабминдин сайтынан алынган сүрөт.
КР кабминдин сайтынан алынган сүрөт.
КР кабминдин сайтынан алынган сүрөт.
КР кабминдин сайтынан алынган сүрөт.
Ошондой эле жыйында Лос-Анжелесте өтө турган XXXIV жайкы Олимпиада оюндарына жана XVIII жайкы Паралимпиада оюндарына даярдык талкууланды. Иш-чаранын катышуучулары 2026-жылы Кыргызстанда бир нече ири эл аралык мелдештерди өткөрүү пландалганын, анын ичинде күрөш боюнча Азия чемпионаты жана Ысык-Көлдө парус спорту боюнча Борбордук Азия чемпионаты, ошондой эле Көчмөндөрдүн дүйнөлүк оюндары өткөрүлөөрүн белгилешти. Мындан тышкары, "Кыргыз спорттук-даярдык медицинасын борборун" тез арада ишке киргизүү, массалык иш-чараларда коопсуздукту күчөтүү жана спорттук кызматтарды санариптештирүүнү активдештирүү боюнча бир катар тапшырмалар берилди. Кыргыз мамлекеттик физикалык маданият жана спорт академиясына өз ишин кайра карап чыгуу жана жаңы спорт түрлөрү боюнча адистерди даярдоону жакшыртуу сунушталды.
