Долбоор Граждандык кодекске жаңы жобону кошууну пландаштырууда, анын негизинде электрондук акчалар мүлктүн курамына киргизилет.
Ошентип, санариптик капчыктардагы каражаттар традициялык банк эсептери сыяктуу мурас катары өткөрүлөт.
Мындан тышкары, "Платеждик система жөнүндө" мыйзамга өзгөртүүлөр киргизилет, анда электрондук акчалардын ээси каза болгондон кийин аракеттердин так процедурасы аныкталат. Эмитенттер нотариустун же мураскерлердин талап кылуусу боюнча бардык чыгаша операцияларын бөгөттөөгө, каражаттардын бардыгы тууралуу маалымат берүүгө жана мурас укугун тастыктаган соң мураскерлерге өткөрүүгө милдеттүү болушат.
Өзгөртүүлөр "Банктар жана банктын иши жөнүндө" мыйзамга да тиешелүү болот, анда банктар нотариустарга каза болгондордун эсептери, электрондук акчалар, сейфтик ячейкалар, металлдык эсептер жана башка активдер тууралуу маалымат берүүгө милдеттүү экендиги жазылат.
Түшүндүрмө жазууда өлкөдө учурда 6,6 миллиондон ашык электрондук капчык катталгандыгы жана мурас өткөрүү боюнча так эрежелердин жоктугу конфликттерге жана түшүнбөстүктөргө себеп болгондугу көрсөтүлгөн. Мыйзам долбоорунун максаты - укуктук боштуктарды жоюу жана жарандардын мүлктүк укуктарын коргоо.
Долбоор негизги министрликтер, НБ КР жана Нотариалдык палата менен макулдашылган. Ведомстволордон сунуштар дээрлик келген жок, ГКНБдан келген кээ бир сунуштар эске алынган жок.
