Касымалиев объектилердеги иштердин абалы, курулуш иштеринин темпи жана медициналык кызматкерлер менен бейтаптар үчүн түзүлгөн шарттар менен таанышып чыкты.
Улуттук кардиология борборундагы капиталдык оңдоп-түзөө иштеринин алкагында поликлиника, операция блогу, нефрологиянын подвалдары жана тамак-аш блогу сыяктуу курулуш жана инженердик иштер аткарылууда. Ошондой эле, суу берүү, канализация, электр энергиясы жана вентиляция сыяктуу инженердик системаларга байланыштуу иштер жүргүзүлүүдө.
Нефрология, ревматология жана терапия бөлүмдөрүндөгү оңдоп-түзөө иштеринин аяктагандыгы маалымдалды. Электр энергиясын камсыздоо, жылуулук системаларын орнотуу, өрт сигнализациясы жана видеокөзөмөл системалары, ошондой эле төрт жаңы лифт орнотулду. Мындан тышкары, конференц-зал жана тамак-аш блогу боюнча капиталдык оңдоп-түзөө аяктады, поликлиника жана стационар акыркы стадияда.
Өкмөт башчысы объекттеги иштерди үч айдын ичинде аяктоону тапшырды.
Андан соң Адылбек Касымалиев Жүрөк хирургиясы жана органдарды трансплантациялоо боюнча илимий-изилдөө институтундагы калыбына келтирүү иштеринин жүрүшү менен таанышып чыкты, анда өткөн жылдын февралында өрт чыккан.
Оңдоп-түзөө иштеринин акыркы этабына киришилди. Ички конструкциялар демонтаждалды, жаңы терезе блоктору орнотулду, жылуулук системалары жана санитардык тармактар алмаштырылды, ошондой эле электр энергиясын камсыздоо үчүн кабель линиялары жаңыртылды. Бояноо иштерин, ошондой эле вентиляция жана фасад боюнча иштер аткарылды. Газификатор үчүн жаңы жай курулуп, кислород түтүктөрү тартылды жана рециркуляция колонналары менен ламинардык потолоктор орнотулду.
Операция блогу жана медициналык жайлар үчүн зарыл болгон инженердик чечимдер ишке ашырылды, анын ичинде түтүн чыгаруу системасы жана вентиляция жабдуулары. Институт үчүн 270 миллион сомго медициналык жабдуулар сатып алынды.
Визит аяктагандан кийин Касымалиев 1-мартка чейин мекемедеги иштерди сапаттуу жана убагында аяктоону камсыздоону тапшырды.
