Жогорку Кенештин эмгек, саламаттык сактоо, аялдар жана социалдык маселелер боюнча парламенттик комитети "Эмгекти коргоо" мыйзам долбооруна арналган угуу өткөрдү. Бул тууралуу Жогорку Кенештин пресс-кызматы маалымдады.
Талкууга мамлекеттик структуралардын, жергиликтүү коомчулуктун, НПО жана жарандык коомдун өкүлдөрү катышты.
Мыйзам долбоору боюнча докладды Эмгек, социалдык камсыздандыруу жана миграция министринин орун басары Камчыбек Досматов жасады. Ал документтин максаты коопсуз жана ден-соолукка ылайыктуу эмгек шарттарын камсыз кылуу, ошондой эле кырсыктарды жана кесиптик ооруларды алдын алуу экенин белгиледи. Мындан тышкары, эмгекти коргоо системасын ишканалардын деңгээлинде жана мамлекеттин деңгээлинде натыйжалуулугун жогорулатуу пландалууда.
Комитеттин төрайымы Гулсункан Жунушалиева сот аркылуу эмгек талаштарын чечүү жана жарандардын электрондук каттоосунда жеке маалыматтарды коргоо боюнча маанилүү маселелерди козгоду. Ал учурда "Жумуш.гов" электрондук платформасы иштелип жатканын, бул жеке маалыматтарды ишенимдүү коргоону камсыз кыларын кошумчалады.
Депутат Улукбек Карыбек уулу мамлекеттик органдарда жана жеке компанияларда кадрларды квалификациясын жогорулатуу зарылдыгын баса белгиледи. Токтобубу Ашымбаева эмгек инспекторлорунун ишин күчөтүүнү, кызматкерлердин укуктарын натыйжалуу коргоо жана бузулууларды убагында аныктоо үчүн сунуштады.
Мамлекеттик мекемелердин, жарандык коомдун жана профсоюздардын өкүлдөрү мыйзамдын сакталуусун көзөмөлдөөгө жооптуу ыйгарым укуктуу органдарды так аныктоонун маанилүүлүгүнө көңүл бурушту.
Мындан тышкары, талкуу катышуучулары эмгекти коргоо маданиятын калыптандыруу, өндүрүштөгү жаракаттар боюнча статистиканы жакшыртуу, профилактикалык чараларды күчөтүү жана ишканалардагы ички контролдук механизмдерди жакшыртуу маселелерин карашты.
