Ал маданият улуттук иденттиктин маанилүү компоненти болуп, коомдук биримдикти бекемдээрин белгиледи.
«Маданиятты өнүктүрүү — бул биздин биринчи кезектеги милдет. Ишкердик башталыштарын колдоо жана жарандардын маданий баалуулуктарга жетүүсүн камсыздоо зарыл», — деп кошумчалады ал.
Негизги приоритеттердин арасында жергиликтүү программаларды колдоо, искусствонун жаңы багыттарын өнүктүрүү жана жаштардын чыгармачылык потенциалын ачууга шарт түзүү белгиленди.
«Биздин улуттун келечеги — жаштарда. Мамлекеттик структуралар жаңы муундун кызыкчылыктарын активдүү коргошуп, алардын толук өзүн-өзү ишке ашыруусу үчүн мүмкүнчүлүктөрдү түзүшү керек», — деп баса белгиледи Байсалов.
Бардык региондордун тургундары үчүн маданий кызматтарга тең мүмкүнчүлүктөрдү камсыз кылуу, ошондой эле Кыргызстандын тарыхый- маданий мурасын эл аралык аренада илгерилетүү маанилүү аспект болуп саналат.
Министрликке китеп басып чыгарууну тездетүү, китепканалардын тармагын модернизациялоо, коомдук жана коворкинг борборлорун түзүү, заманбап маданият үйлөрүн куруу жана жаш аткаруучулар үчүн эл аралык стипендиялык программаларды баштоо тапшырылды.
