Жыйындын максаты ишенимдүү мамилелерди бекемдөө, туруктуу оперативдик кырдаалды камсыздоо жана мамлекеттик чек арада тартипти сактоо болду.
Иш-чара үч өлкөнүн чек аралары кесишкен жердеги «Достук» стеласынын жанында өттү.
ГЧКнын сүрөтү. «Достук» стеласы үч мамлекеттин чек арасында
Переговорлор учурунда катышуучулар чек арадагы кызматташтыктын негизги аспектилерин, анын ичинде чек ара кызматтары арасында түз байланыш механизмдерин жакшыртуу жана чек арадагы инциденттерди алдын алуу үчүн аракеттерди координациялоону талкуулашты, деп белгилешти ГЧК.
Ошондой эле чек ара аймагында инженердик, чарбалык жана жазгы иштер боюнча өз ара аракеттенүүгө, ошондой эле мүмкүн болгон талаштуу учурларга оперативдүү жооп берүү алгоритмине басым жасалды.
Тараптар «Достук» стеласынын айланасын көрктөндүрүү, анын ичинде кирүү жолдорун түзүү жана жашылдандыруу боюнча да сүйлөштү.
