Песков бул жолу талкуу аймактык маселелер менен чектелбестен, башка негизги темаларды да камтый турганын белгиледи. Ал үчүн негизги сүйлөшүүчү — Владимир Мединскийдин катышуусу талап кылынарын кошумчалады.
Россия делегациясынын курамында Мединскийден тышкары, тышкы иштер министринин орун басары Михаил Галузин, Россия Федерациясынын Куралдуу Күчтөрүнүн Башкы штабынын Башкы чалгындоо башкармалыгынын начальниги Игорь Костюков жана башка расмий өкүлдөр болот. Ошондой эле Женевага Россия президентинин чет өлкөлөр менен инвестициялык-экономикалык кызматташуу боюнча атайын өкүлү Кирилл Дмитриев келип, экономикалык өз ара аракеттенүү маселелерин талкуулайт.
Дмитрий Песков Россия президенти Украинадагы кырдаалды жөнгө салуу боюнча делегация менен туруктуу байланышта болуп, учуу алдында аларга кенен инструкциялар бергенин кошумчалады.
Украина тараптан сүйлөшүүлөргө Владимир Зеленскийдин офисинин жетекчиси Кирилл Буданов, анын биринчи орун басары Сергей Кислица, Улуттук коопсуздук жана коргоо кеңешинин катчысы Рустем Умеров, Украина Куралдуу Күчтөрүнүн Башкы штабынын начальниги Андрей Гнатов, Жогорку Раданын «Слуга народа» фракциясынын лидери Давид Арахамия, ошондой эле Коргоо министрлигинин Башкы чалгындоо башкармалыгынын орун басары Вадим Скибицкий сыяктуу негизги фигуралар катышат.
