Жолугушуу учурунда министр президент Садыр Жапаровдун саламын жана эң жакшы каалоолорун тапшырды. Ал 2023 жана 2024-жылдары болгон жогорку деңгээлдеги сапарлар Кыргызстан менен Германиянын ортосундагы кызматташтыкты бекемдөөгө чоң салым кошконун баса белгиледи. Кулубаев ошондой эле Кыргыз Республикасының соода, экономика, инвестиция жана маданий алмашуу тармактарында өнөктөштүктү тереңдетүүгө кызыгуусун растады.
Франк-Вальтер Штайнмайер, өз кезегинде, региондогу туруктуулук жана коопсуздуктун маанилүүлүгүн, ошондой эле энергетика, соода жана транспорт боюнча мүмкүнчүлүктөрүн белгиледи. Германиянын президенти Борбордук Азия менен кызматташтыкты улантууга даяр экенин билдирип, Кыргызстандагы тоо аймактарына болгон сапарын эске салып, климаттын өзгөрүшү жана муздардын эриши менен байланышкан көйгөйлөрдү чечүү боюнча биргелешкен иштин маанилүүлүгүн баса белгиледи.
