Алардын маалыматына ылайык, жаңы жетекчи бекитилгенден кийин, атайын кызматтар олуттуу реформаларды өткөрүүгө жана негизги милдеттерине кайтууга багыт алышат.
“Атайын кызматтар өз функцияларын, анын ичинде контрразведка, чалгындоо иштери, ошондой эле терроризм жана экстремизмге каршы күрөшүү боюнча иш алып барышат”, - деп кошумчалашты булактар.
10-февралда Кыргызстандын президенти Садыр Жапаров Камчыбек Ташиевди өкмөт башчынын орун басары жана УКМКнын төрагасы кызматынан бошотуу тууралуу жарлыкка кол койду.
УКМКнын башчысынын милдетин аткаруучу болуп Жумгалбек Шабданбеков дайындалды.
Ошондой эле УКМКнын төрагасынын үч орун басары кызматтан кетирилди.
