Жасалма сертификаттарды же башка алдамчы схемаларды колдонгон өндүрүүчүлөр жазага тартылат.
Экономика жана соода министринин орун басары Султан Ахматов депутаттарга жаңы демилге халал-товарлар жана кызматтар рыногун тартипке келтирүүгө багытталганын түшүндүрдү.
Комитеттин мүчөлөрү контролдоо чараларын күчөтүүнүн жана рынктарда халал-сертификаты бар продукция үчүн атайын орундарды бөлүүнүн зарылдыгын билдиришти.
Халал-кызматтар жана товарлардын ылайыктуулугун тастыктоодогу бузуулар үчүн юридикалык жактарга 13 миң сом өлчөмүндө айып пулду киргизүү сунушталууда. Бул укук бузуулар боюнча иштерди саламаттыкты сактоо тармагындагы ыйгарым укуктуу орган карайт.
Ошондой эле комитет үчүнчү окууда азаптоолорго каршы күрөшүү боюнча Кылмыш-жаза кодексине өзгөртүүлөрдү жактырды. 137-берененин жаңы редакциясы БУУнун талаптарына жооп берет жана азаптоолор үчүн жаза берүүдө мамлекеттик кызматтарды аткарып жаткан кызмат адамдарынан тышкары, бардык жарандар үчүн жоопкерчилик каралат.
