Документтин максаты — бардык билим берүү деңгээлдерин жана коомдук жашоону камтыган бирдиктүү жана туруктуу климаттык тарбиялоо системасын түзүү.
Маалыматка ылайык, Кыргызстан климаттык коркунучтар контекстинде Борбордук Азиядагы эң осол аймактардын бири болуп саналат. Муздардын эриши, тоо экосистемаларынын деградациясы, суу ресурстарынын жетишсиздиги жана табигый кырсыктардын көбөйүшү экономикалык туруктуулукка жана жарандардын жашоосуна терс таасирин тийгизет. Мындай шарттарда өлкөгө климаттык билимдерге системалуу мамиле киргизүү зарыл.
Программа климаттык билим берүү боюнча мамлекеттик саясатты эл аралык милдеттенмелерди, мисалы, Париж келишими, БУУнун климаттын өзгөрүшү боюнча Рамочная конвенциясы жана Туруктуу өнүгүү максаттарын эске алуу менен бекитет. Анда кадрларды даярдоонун, жаштардын, мамлекеттик кызматкерлердин жана мугалимдердин климаттык билимдүүлүгүн жогорулатуунун, ошондой эле илимий изилдөөлөрдү жана санариптик технологияларды өнүктүрүүнүн маанилүүлүгү баса белгиленет.
Климаттык билим берүүнүн жеткиликтүүлүгүн камсыз кылууга, гендердик аспектилерди эске алууга жана балдарды жана жаштарды экологиялык долбоорлорго тартууга өзгөчө көңүл бурулат.
Кыргызстандагы климаттык билим берүү системасы баштапкы стадияда турат. 2025–2030-жылдарга карата программа мыйзамдык жана методикалык боштуктарды жоюуга, туруктуу көп деңгээлдүү структураны түзүүгө жана климаттык чакырыктарга адаптациялоо үчүн адистерди даярдоого багытталган.
