Кыргызстандын делегациясын Тышкы иштер министринин орун басары Медер Абакиров жетектеди, ал эми европалык тарапты Европа Комиссиясынын Эл аралык өнөктөштүк боюнча жалпы дирекциясында Борбордук Азия жана Афганистан бөлүмүнүн башчысы Шарлотт Адриен өкүлчүлүк кылды.
Шарлотт Адриен Global Gateway инициативасынын алкагында жетишкен ийгиликтерди, анын ичинде Кыргызстан менен Европа Инвестициялык Банк ортосунда энергетика тармагында өз ара түшүнүшүү меморандумун кол коюуну белгиледи.
Отурум учурунда тараптар эки тараптуу жана регионалдык кызматташтык боюнча конструктивдүү диалог өткөрүп, өз ара кызыкчылык жараткан маселелер боюнча биргелешкен ишти күчөтүү жана натыйжалуулугун жогорулатуу үчүн негизги багыттарды аныкташты.
