Сырткы иштер министрлигинин маалыматына ылайык, сүйлөшүүлөр эки өлкөнүн экономикалык жана соода кызматташтыгын өнүктүрүүгө байланыштуу кеңири темаларды камтыды.
Улукбек Марипов Кыргызстан менен Бахрейндин өкмөттөр аралык комиссиясынын ишин тез арада баштоо зарылдыгын белгилеп, анын биринчи жыйынын 2026-жылы Кыргызстанда өткөрүүнү сунуштады.
Мындан тышкары, элчи өз ара визиттерди уюштуруунун жана бул үчүн зарыл юридикалык негизди түзүүнүн маанилүүлүгүн баса белгиледи.
Жолугушуунун жыйынтыгында тараптар экономикалык байланыштарды бекемдөө жана эки тараптуу кызматташтыкты илгерилетүү боюнча ишти улантууга макулдашышты.
