Кыргызстан жана Сауд Аравиясы энергетикалык кызматташтыкты күчөтүүдө

13-январда Эр-Риядда Кыргызстандын Саудия Аравиясындагы элчиси Улукбек Марипов менен энергетика министринин орун басары Мухаммед Абдульрахман Ибрахимдин ортосунда жолугушуу өттү.

Жолугушууда энергетика тармагындагы кызматташуу мүмкүнчүлүктөрү, анын ичинде Кыргызстанда күн жана шамал электр станцияларын, ошондой эле кичи жана ири гидроэлектр станцияларын куруу боюнча биргелешкен долбоорлорду ишке ашыруу талкууланды.

Марипов Кыргызстаннын Саудия Аравиясынын Энергетика министрлиги менен активдүү кызматташууга кызыкдар экенин белгилеп, мунай продуктуларын жеткирүү маселелерин да көтөрдү. Ал ошондой эле энергетика секторундагы инвестициялык долбоорлорду сунуштап, «жашыл» долбоорлорду углероддук кредиттер системасына катышуу маселесин талкуулоону сунуштады.

Мухаммед Ибрахим болсо энергетикалык кызматташтыкты жана соода-экономикалык байланыштарды күчөтүү боюнча идеяларды колдоп, өз ара кызыкчылык туудурган бардык маселелер боюнча кызматташууга даяр экенин билдирди.

Жолугушуунун аягында Улукбек Марипов Мухаммед Ибрахимге Кыргызстандын энергетика министри Таалайбек Ибраевдин Саудия Аравиясынын энергетика министри принц Абдельазиз бин Салман Аль-Саудга Кыргызстанга каалаган убакта келип кетүү үчүн чакыруусун жеткирди.