Ал турак жайдын баасы тез өсүп жатканын жана бул көпчүлүк тургундар үчүн жеткиликсиз болуп жатканын белгиледи.
«Ижара баалары дүйнөлүк деңгээлдерге жетти, бул жарандардын финансылык абалын оорлотууда. Бүгүнкү күндө чет өлкөдө иштегендер гана турак жай сатып алууга мүмкүнчүлүк алышууда. Өкмөт бул маселени чечүү үчүн чараларды көрүшү керек жана калкка турак жай маселесинде жардам бериши керек», — деди Борбиев.
Өкмөттүн биринчи орун басары Данияр Амангельдиев бул маселе боюнча макул болуп, ГИКтин турак жай курулушу жана ипотекалык кредиттерди берүү боюнча активдүү иш алып барганын, бул өз кезегинде жылжымайтын мүлк рыногунда стабилизатордук ролду ойноп жатканын белгиледи.
«Эгер ГИК болбосо, турак жайдын баалары дагы жогору болмок. Турак жайдын баасына жердин баасы да таасир этет, азыркы учурда ал чектелген. Комиссия иш алып барууда жана жарандарды турак жай менен камсыздоо биздин приоритетибиз», — деп кошумчалады ал.
Депутат Жылдыз Садырбаева өлкө боюнча турак жайдын орточо баасы 27 пайызга өскөнүн белгиледи. «Биз өлкөбүз импортко көз каранды экенин түшүнөбүз, бирок Курулуш министрлиги жергиликтүү курулуш материалдарын колдоо үчүн кандай чараларды көрүп жатат?» — деп сурады ал.
Бул суроого жооп берип жатып, Курулуш министри Нурдан Орунтаев курулуш материалдарынын көпчүлүгү Кыргызстанга чет өлкөдөн келип жаткандыгын белгиледи. Ал мурда металлдын негизги көлөмү Россиядан импорттолуп келгенин, бирок азыр металлды Кытайдан да алып келүүгө уруксат алынганын билдирди.
«Биз курулуш секторунда бааларды төмөндөтүү үчүн бардык зарыл чараларды көрүп жатабыз», — деп жыйынтыктады Орунтаев.
