Долбоорго ылайык, Эсеп палатасынын ыйгарым укуктары кеңейтилип, учурдагы чектөө жоюлат, ал Эсеп палатасына мамлекеттик мүлктү жана мамлекеттик кепилдиктер боюнча берилген каражаттарды пайдалануунун натыйжалуулугун гана текшерүүгө мүмкүнчүлүк берет. Өзгөртүүлөрдү киргизгенден кийин, Эсеп палатасы финансылык аудит, талаптарга ылайык аудит жана натыйжалуулук аудитин жүргүзө алат.
Негизги сунуштардын бири аудитторлордун санын тогуздан үчкө кыскартуу болуп саналат.
Бир аудиттор президенттин сунушу боюнча, эки аудиттор парламенттин демилгеси боюнча дайындалат. Аудиторлордун арасынан төрага да шайланат.
Квалификациялык талаптар да өзгөртүлөт: талапкерлер жогорку билимге жана экономика, финансылык же мамлекеттик аудит тармагында кеминде тогуз жылдык тажрыйбага ээ болушу керек. Мындан тышкары, Эсеп палатасындагы мамлекеттик кызматты өтүү тартиби мамлекеттик кызмат жөнүндө мыйзамдын талаптарына ылайыкташтырылат.
Долбоор ошондой эле Эсеп палатасынын Кеңешинин курамын жаңылоону камтыйт, ал төрага, аудитторлор жана аппарат кызматкерлеринен турат. Иштеп чыгуучулар аудитторлордун санын кыскартуу бюджеттен болжол менен 30 миллион сомду үнөмдөөгө мүмкүндүк берет деп билдиришет.
Документ парламентте каралууну күтүп жатат.
