Депутаттын маалыматына ылайык, төрт батирден тургундар чыгарылып кеткен.
«Коргоо министрлиги дагы 20дан ашык батирди чыгаруу боюнча документтерди тапшырды. Өткөн жылы мен коргоо министри менен сүйлөштүм, ал тургундар менен маселени чечүү үчүн жолугушту, бирок, тилекке каршы, башка кызматка өткөндүктөн, убактысы жетпеди. Азыркы учурда ведомстводон бул маселени чечүү үчүн эч кандай аракеттер көрүлбөй жатат», — деп белгиледи Тентишев.
Мындан тышкары, депутат 2023-жылы көтөргөн жылуулук борбору маселеси дагы чечилбей калганын баса белгиледи. Бакыт Тентишев ошондой эле «Аскер шаарчыгында» балдар аянтчалары жана көчө жарыгы жок болгондуктан, Коргоо министрлигинен финансылык колдоо жоктугун көрсөттү. Депутат шаарчыкты Кант мэриясына өткөрүп берүүнү сунуштады.
