Иш-чаранын жүрүшүндө катышуучуларга Кыргызстанда эмираттык «Өкмөттүк акселераторлор» программасын ишке ашыруу боюнча тажрыйбаны көрсөтүүчү кыска видеоролик көрсөтүлдү.
«Биз биринчи жолу Дүйнөлүк өкмөттөр саммитинде Кыргызстандын экономикалык өсүшүнө арналган мындай сайд-ивент өткөрүп жатабыз. Бул биздин өлкөнүн жетишкендиктери жана биз «Кар көчкү» деп атаган уникалдуу моделибиз жөнүндө айтып берүүгө жакшы мүмкүнчүлүк», — деп белгиледи Адылбек Касымалиев.
Ал экономикалык өсүш моделинин үч негизги багытына негизделгенин кошумчалады: өкмөттүк акселераторлор, күчтүү институттар жана инвестициялар. Бул демилге мамлекеттик башкаруу тармагына инновацияларды алып келди. Программанын алкагында Кыргызстан актуалдуу маселелерди чечүүгө багытталган 100 күндүк реформаларды жүргүзүүдө. Программанын башталгандан бери 17 реформа ийгиликтүү ишке ашырылды.
«Акыркы төрт жылда Кыргызстандын орточо жылдык экономикалык өсүү темпи 9-10 пайызды түздү. МВФнын маалыматына ылайык, 2025-жылга чейин өлкө реалдуу ИДПнын өсүү темптери боюнча дүйнөдө үч лидердин катарына кирет. Бюджет үч эсе өстү, ал эми ИДП 2,5 эседен ашык өстү. Биз чектелген ресурстар менен мамлекет тез өнүгүү үчүн шарттарды түзө алаарын далилдедик. «Кар көчкү» моделинин көптөгөн өнүгүп келе жаткан экономикасы бар өлкөлөр үчүн пайдалуу болушуна ишенем», — деп баса белгиледи ал.
